Ndryshime në Shtabin Teknik të klubit me renome të hendbollit Kastrioti nga Ferizaj në konkurrencën e femrave. Ish hendbollistja e mirënjohur dhe ish reprezentuesja e Kosovës, Vlora Jashari, është emëruar kryetrajnere e re e KHF Kastriotit, bëhet e ditur nga një zyrtar i klubit.
“Vlora deri dje ka qenë drejtore sportive, por pas një konsultimit të kryesisë së klubit, vendosën që ajo të emërohet në krye të klubit në vend të Lirie Muhaxherit, e cila është liruar për shkaqe objektive të saja.
Synimet e Kastriotit janë që të luftojnë për të ndërtuar një lojë sa më të bukur dhe për të ndjekur pjesën e epërme të tabelës”, tha një zyrtar brenda klubit.
