Me nderime të larta u varros prof. Mehdi Jashari në varrezat e qytetit në Prishtinë. Ish hendbollisti dhe trajneri i mirënjohur, Jashari, mbrëmë ndërroi jetë, ndërsa sot u varros në praninë e shumë sportistëve dhe qytetarëve, ku ishte i pranishëm edhe kryetari i Komunës Prishtinës Shpend Ahmeti.
Lamtumirën e fundit ia thanë edhe ish lojtarët Shefqet Hasani, Tomorr Zhavelli, Ali Obërtinca, Sebahate Neziri, Mihrije Basholli dhe Emine Hashani – Llalloshi. Pranë varrit të tij vunë kurora edhe Federata e Hendbollit e Kosovës dhe Fakulteti për edukim i kulturës fizike.