Hendbollistja shqiptare, Bellma Beba, është më e merituara që skuadra e saj, Wurm Mitte, e nisi me barazim në Bundesliga III në hendboll. Wurm Mitte barazoi me rezultat 23:23 me ekipin TSV Haunstetten. Beba shënoi nëntë gola dhe është e gëzuar për pikën e madhe për faktin se u ballafaquan me TSV Haunstetten, e cila ka nga rënë nga Bundesliga II dhe ka ekip shumë të fortë. “Ishte një lojë e shkëlqyeshme.
Kemi luajtur një mbrojtje fenomenale, edhe pse Haunstetten ka pasur një mbrojtje jo të zakonshme: 3-2-1 e në momente 3-3. Por përsëri arritëm të depërtojmë edhe me këtë mbrojtje. Të gjitha lojtaret kanë qenë në nivel të njëjtë dhe të gjitha të mira te rivalet. Kemi luajtur një hendboll të shpejt.
Shtypi gjerman për Bellma Bebën
Veten e ndjej në formën më të mirë deri me tani. Unë gjithmonë jam optimiste dhe do të luftojmë për kreun e tabelës”, tha Beba, që luan në pozitën e qendrës.