Nismë e mirë

Hendboll

Nismë e mirë

Më: 24 tetor 2018 Në ora: 10:34
Pamje nga një ndeshje

Kombëtaret U-20 dhe U-18 të Kosovës në hendboll kanë nisur me fitore paraqitjen në IHF Trophy për zonën evropiane që prej të martës po zhvillohet në Prishtinë. Ndeshjet e juniorëve (U-20) luhen në Pallatin e Rinisë kurse ato të U-18 në palestrën 1 Tetori. Dy kombëtaret tona të martën në ditën e parë kishin përballë Britaninë e Madhe. Kombëtarja U-20 fitoi me rezultat 38:17 dhe menjëherë doli e para në grup. Djelmoshat e Fatmir Muhaxherit ishin bindshëm më të mirë se lojtarët britanik dhe fituan bindshëm. Pas pjesës së parë rezultat ishte 21:5 në të mirë të Kosovës. Muhaxheri ua dha rastin të gjithë lojtarëve dhe të gjithë shfaqën vlera. Për Kombëtaren U-20 kjo garë është rast i artë për të siguruar pjesëmarrjen në botëror. Edhe në grupmoshën U-18, Kosova ka dalur e para në grup pas ndeshjeve të para. Kosova U-18 fitoi ndaj Britanisë së Madhe me rezultat 33:24.

Të mërkurën Kombëtarja U-20 përballet me Irlandën nga ora 18:00 derisa ajo U-18 nga ora 16:00 luan ndaj Moldavisë.

Britania e Madhe U20 - Kosova U20 17:38 (5:21)

Kosova: Luzha, Gubetini 7, Abazi, Dugolli 1, Shabani 5, Hoxha 3, Tahirukaj 6, Mustafa 3, Beqira, Muqolli 6, Basholli 4, Bajqinovci 1, Tafilaj 1, Rudari 1

Rezultatet e ditës së parë të IHF Trophy European Zone

U-20

Britania e Madhe – Kosova        17:38 (5:21)

Malta – Gjeorgjia           16:32 (10:16)

Moldavia – Irlanda         37:21 (17:11)

U-18

Kosova – Britania e Madhe        33:24 (19:13)

Moldavia – Shqipëria       25:17 (14:9)

Sot mund të lexoni Shfletoni kopertinat