Në ditën e ftohtë të dimrit dhe më plotë dhimbje të afërmit e viktimave të terrorit serb në fshatin Raçaku filluan të hynin në spitalin kryesor të Prishtinë, për të identifikuar kufomat.
Rreth 20 të afërm meshkuj u mblodhën jashtë morgut të Prishtinës. Ata u lejuan brenda në grupe prej dy personash për të identifikuar trupat dhe për të nënshkruar dokumentet e nevojshme.
Masakra e Raçakut, kishte tronditur botën në vitin 1999.
Më 15 Janar 1999 në fshatin Reçak u vranë e u masakruan barbarisht 45 shqiptarë të paarmatosur, në mesin e të cilëve ishte edhe një grua. Në orët e hershme të mëngjesit të 15 janarit Reçaku u zgjua i rrethuar. Sipas dëshmitarëve, aty rreth orës 6:30 forcat serbe me artileri të rëndë kanë filluar të bombardojnë fshatin. Pas ndërprerjes së bombardimeve, forcat serbe janë futur në fshat dhe kanë filluar bastisjet.
