Dhimbjet në gjoks, shkaqet dhe kur duhet të shqetësoheni?

Këshilla mjekësore

Dhimbjet në gjoks, shkaqet dhe kur duhet të shqetësoheni?

Më: 3 korrik 2018 Në ora: 14:42
Ilustrim

Dhimbja në anën e majtë të gjoksit është një nga simptomat më të zakonshme për shkak të të cilave pacienti i drejtohet kardiologut dhe një mjeku të përgjithshëm.

Njerëzit lajmërohen menjëherë, pasi janë të shqetësuar dhe sigurisht pasi ndërlidhin këtë dhimbje me problemet e mundshme kardiake, por kryesisht këto dhimbje nuk kanë të bëjnë me zemrën, por shkaku i tyre qëndron në strukturën dhe indet rreth zemrës, thonë mjekët.

Nëse nga anamneza kuptohet se ky nuk është një shkak kardiak, atëherë mjeku supozon se dhimbja vjen nga pjesa e muskujve të kockave, ose është një sindromë e kraharorit.

Dhimbja në kraharor shkaktuar nga inflamacioni i muskujve dhe indit lidhës në kohët moderne është e lidhur me stilin e jetës, që do të thotë se më tepër qëndrojmë ulur dhe kemi aktivitet të pamjaftueshëm.

Mjekët thonë se është normale që njerëzit të mendojnë se dhimbja e gjoksit është një simptomë e problemeve të zemrës, por mjeku duhet së pari të përjashtojë shkaqet e muskujve dhe sëmundjet gastroesophagous, ku acidi nga stomaku mund të çojë në inflamacion të ezofagut dhe kontraktimet e saj shkaktojnë dhimbje të forta që mund të imitojnë simptomat e infarktit.

Por për një person që është mbi 40-vjeç dhe nëse ka dhembje kur bën stërvitje dhe zgjat deri në dy minuta, e cila karakterizohet nga një ndjenjë e djegies dhe që përhapet në qafë dhe dorën e majtë, dhe ndalon pas marrjes së tabletës në bazë të nitroglicerinës, atëherë mjeku mund të supozojë se kemi të bëjmë me një problem serioz, dhe dërgon pacientin në ekzaminim kardiologjik.

commentFirst article
Sot mund të lexoni Shfletoni kopertinat