Agjencia e Statistikave të Kosovës (ASK), organizon debatin publik lidhur me projektligjin e Regjistrimit të Popullsisë, Ekonomive Familjare dhe Banesave në Kosovë.
Ky debat organizohet duke e konsideruar rëndësinë e këtij projektligji në sigurimin e të dhënave që do të mundësojnë planifikim dhe zbatim të politikave zhvillimore, krijimin e bazës për të dhëna statistikore mbi karakteristikat demografike dhe socio-ekonomike në vend, hulumtime shkencore etj."
ASK vlerëson se përfshirja e shfrytëzueseve në hartimin e Ligjit është e rëndësishme për të fuqizuar tërë projektin e Regjistrimit.
Në këtë kuptim, një debat i mirëfilltë me palët e interesit sipas ASK-së do të ndihmojë si për qasje nga shfrytëzuesit për procesin e Regjistrimit po ashtu për të vlerësuar nëse është interes nacional për të fuqizuar pikat e ndryshme në ligj.
