Agjencia e Statistikave të Kosovës (ASK) publikoi sot rezultatet e Anketës së Mbeturinave të Trajtuara (AMT) për vitin 2021.
Rezultatet nga AMT 2021, tregojnë se sasia e mbeturinave të ricikluara ishte 21.307 tonë/vit; sasia e mbeturinave të sterilizuara (mbeturina spitalore) ishte 960 tonë/vit; dhe sasia gjithsej e mbeturinave të trajtuara dhe të deponuara për vitin 2021 ishte 506.044 tonë/vit.
Sasia e mbeturinave të trajtuara, sipas llojit të mbeturinave dhe llojit të trajtimit, e shprehur në përqindje për vitin 2021 ishte: metalet (14%); mbeturinat nga plastika (31%); mbeturinat spitalore (4%); mbeturinat e letrës dhe kartonit (51%).
Sasia e mbeturinave të deponuara në deponitë sanitare rajonale në vitin 2021 ishte 483.777 tonë/vit ose krahasuar me të dhënat e vitit 2020, ka një rritje prej 8.6%.
Ndërsa, krahasuar sipas rajoneve, sasia më madhe e mbeturinave të deponuara ka qenë në deponinë sanitare në rajonin e Prishtinës (Mirash), ishte 67.371 tonë ose 35 për qind.
