Kompania Rajonale e Ujësjellësit “Prishtina” ka njoftuar se do të ketë reduktime të ujit për qytetarët e Fushë Kosovës.
Reduktimet vijnë si pasojë e ngritjes së turbullirës në liqenin e Ujmanit.
“Ju njoftojmë se pas ngritjes së turbullirës në liqenin e Ujmanit , jemi të detyruar t ‘fillojmë me reduktime të ujit për Fushë Kosovën”, thuhet në njoftim.
KRU “Prishtina” ka shtuar se reduktimet do jenë nga ora 10:00-16:00 dhe nga 23:00- 05:00.
“Situata vazhdon deri në njoftimin e radhës. Deri atëherë situata mbetet e njëjtë. Nëse në ndërkohë situata përmirësohet, reduktimet ndërpriten”, thuhet në njoftim.
