Nuk e ka për herë të parë që erërat e forta ia rrezikojnë shtëpinë nga ndërtesat përreth.
Kulmi i banesës përball shtëpisë i kishte rënë edhe njëherë në vitin 2015.
Por herën e fundit, të rëndë për Fitim Terziqin e bën fakti që brenda shtëpisë gjendeshin e ëma dhe motra shtatëzënë me vajzën e saj.
Ai konsideron se rasti i shtëpisë së tij, tani i përsëritur, nuk po merr vëmendjen e duhur nga komuna.
Sipas familjes, intervenimi fillestar nga Komuna kishte ardhur pasi familja kishte insistuar vazhdimisht, por prapë, e njëjta nuk ndihet e sigurt.
“Është dita e dytë-tretë që ende nuk ka asnjë intervenim për siguri. Një erë më e vogël me u bë apet jemi të rrezikuar nga e njëjta banesë. Ska intervenu askush dhe po presim. Shpresojmë të mos bëhet asgjë më e madhe”, ka thënë Fitim Terziqi, pronar i shtëpisë së dëmtuar.
E nga Drejtoria për Emergjencë thonë se e kanë kryer punën e tyre.
Operatorët që kanë ndërtuar banesat janë përgjegjës për masat që mos me ardh puna ashtu si tek familja që keni qenë. Kërkesat që i bëjnë është komisioni për vlerësimin e dëmeve, del në terren dhe bën evidentimin e tyre e më pas dëshpërblimin e kërkesës për qytetarët.
Nga dita e shtunë, drejtoria ka përfunduar 12 intervenime si shkak i dëmeve nga erërat.
