Një sulm kardiak ishte fatal për profesorin e Inxhinierisë Mekanike, Heset Canolli. Ky i fundit rreth orës 10:30 derisa po bëhej gati për të hyrë në kabinetin e tij pësoi sulm në zemër.
Lajmin e ka konfirmuar për media Prodekani për Cilësi dhe Bashkëpunim në Fakultetin e Inxhinierisë Mekanike, Shpëtim Lajqi.
“Profesori ka qenë profesor i rregullt. Në moshën 59 vjeçare para se të futet në kabinetin e tij ka rënë në tokë. Është thirrur ekipi i emergjencës, pavarësisht tentimeve profesori humbi jetën”, ka thënë Lajqi.
Ai është shprehur se fakulteti i tij, ka humbur një koleg e profesor të devotshëm. Lajqi u ka shprehur ngushëllime familjes, studentëve e kolegëve të profesorit të ndjerë.
“U shprehim ngushëllime të gjithëve. Kemi humbur një njeri të devotshëm për ne”, ka thënë Lajqi.
