Orari i repelimit të kafshëve shtëpiake në Rahovec

Kosova

Orari i repelimit të kafshëve shtëpiake në Rahovec

Më: 19 mars 2017 Në ora: 10:25
ilustrim

Nesër fillon procesi i repelimit të kafshëve shtëpiake në tërë territorin e Komunës së Rahovecit. Ky projekt do të zbatohet nga Agjensioni i Ushqimit dhe Veterinës, ndërsa, do të zhvillohet në 4 faza për të përfunduar në fillim të shtatorit.

Repelimi (dezinsektimi i kafsheve) është proces ndërprerjes biologjike të shumimit rriqrave dhe zhvillohet në kuadër të zbatimit të strategjisë për parandalimin dhe luftimin e Etheve Hemoragjike Krime Kongo, e cila është përcaktuar nga këshilli ndërministror, në të cilin Komuna e Rahovecit përfaqësohet nga drejtori për Shëndetësi dhe Mirëqenie Sociale, Munib Durguti.

Repelimi i kafshëve do të filloj nga dita e hënë me data 20 mars sipas këtij orari:

Me datë 20.03.2017, në fshatin Senoc ,

Me datë 21.03.2017, në fshatin Polluzhë,

Me datë 22.03.2017, në fshatin Guri i Kuq,

Me datë 23.03.2017, në fshatrat Kramovik dhe Mrasor,

Me datë 24.03.2017, në fshatin Qifllak,

Me datë 25.03.2017, në fshatin Dabidol.

“Nga qytetarët e këtyre fshatrave, rekomandojmë që të përkrahin këtë aktivitet, duke i mbajtur bagëtitë të mbyllura deri sa të kryhet repelimi, poashtu qytetarët ti marrin parasysh rekomandimet e profesionistëve të cilët do të bëjnë repelimin e kafshëve. Repelimi i kafshëve fillon nga ora 08:00 deri në përfundim të plan programit për ditët e caktuara sipas datave”, thuhet në njoftimin e komunës së Rahovecit.

Sot mund të lexoni Shfletoni kopertinat