Forca e Sigurisë së Kosovës realizoi vizita mjekësore për komunitetet

Kosova

Forca e Sigurisë së Kosovës realizoi vizita mjekësore për komunitetet

Më: 4 tetor 2017 Në ora: 15:40
FSK vizita

Njësia Ndërlidhëse për Reagim në Kriza e Forcës së Sigurisë së Kosovës së bashku me Kompaninë e Mjekësisë, përfaqësuesit e Ambasadës së SHBA-ve, si dhe përfaqësuesit e drejtorive për mirëqenie sociale të komunave Ferizaj dhe Lipjan kanë realizuar projektin humanitar në ndihmë të komuniteteve, duke kryer kështu vizita mjekësore tek personat e moshuar të komunitetit serb.

Vizitat janë realizuar në Lipjan dhe në fshatrat Bablak dhe Pleshinë, nga  mjekët e Forcës së Sigurisë së Kosovës në bashkëpunim me mjekët e qendrave të Mjekësisë Familjare në Ferizaj dhe Lipjan dhe Zyra  e Elementit Mbështesë Civilo-Ushtarak.

Projekti  humanitar në ndihmë të komuniteteve që jetojnë në Kosovë do të vazhdojë edhe në të ardhmen.

Sot mund të lexoni Shfletoni kopertinat