Gjykata Themelore në Prishtinë ka publikuar disa Aktgjykime lidhur më disa vjedhje të rrymës që kanë ndodhur në Lipjan.
Për lidhje ilegale në rrjetin elektrik të para disa viteve, u nxor Aktgjykim gjatë kësaj jave.
Sipas Aktgjykimit të Gjykatës Themelore, në periudhën kohore gjatë muajit dhjetor të vitit 2013, në rrygën “V-F” në Lipjan, e pandehura Xh.B si shfrytëzuese e lokalit me qira duke ushtruar veprimtarin e frizeres dhe e pandehura Sh.B si shfrytëzuese e lokalit me qira duke ushtruar veprimtarin e frizeres me qellim që me përvetësimin e sendeve të huaja të luajtshme, dhe vetes t’i sjellin përfitim pasuror në mënyrë të kundërligjshme.
Sipas vendimit të gjykatës, me dashje secila veç e veç kanë vepruar në atë mënyrë që bëjnë lidhjen e kabllove nga lokalet e lartpërmendura në njehsorin elektrik të zyrës së avokaturës së të dëmtuarit Z.A , ashtu që energjia e shpenzuar elektrike nga ana e të pandehurave regjistrohet si energji e shpenzuar në njëhsorin elektrik të të dëmtuarit, dhe e njëjta i faturohet si energji elektrike e shpenzuar, me ç’rast të dëmtuarit i shkaktohet dëm material.
Me këtë secila veç e veç kanë kryer veprën penale Vjedhja nga neni 325 par.1 të KPRK-së. Andaj gjykata konform ligjit të pandehurat i gjykon me dënim me kusht dhe me gjobë.
“Të pandehurën e parë Xh.B e gjykon me dënim me burgim në kohëzgjatje prej 2 muajve, i cili dënim nuk do të ekzekutohet, nëse e pandehura në afat prej 1 viti nuk kryen vepër tjetër penale, dhe me dënim me gjobë në shumë prej 400 euro. Të pandehurën e dytë Sh.B e gjykon me dënim me burgim në kohëzgjatje prej 2 muajve, i cili dënim nuk do të ekzekutohet, nëse e pandehura në afat prej 1 viti nuk kryen vepër tjetër penale, dhe me dënim me gjobë në shumë prej 200 euro”, thuhet në aktgjykim.
I dëmtuari Z.A është udhezuar që kërkesën pasurore-juridike t’a realizojë në procedurë të rregullt gjyqësore
Ndërkaq, Gjykata Themelore , dënoi edhe dy persona tjerë për vjedh të rrymës në Lipjan.
“Me dt. 08.10.2013, në shtëpinë e tij në fshatin G., Komuna L., gjatë kontrollit nga punëtorët e autorizuar të KEDS-it, është konstatuar se i pandehuri në mënyrë të kundërligjshme, ka shfrytëzuar energjinë elektrike, në atë mënyrë që, i pandehuri është kyqur në rrjetin elelktrik dhe ka shpenzuar energjinë elektrike pa njehsorin elektrik, me ç’rast të dëmtuarës KEDS-it, i ka shkaktuar dëm në vlerë prej 294.90-euro -me këtë ka kryer veprën penale Vjedhja e shërbimeve komunale nga neni 320 të KPRK-së. Andaj gjykata të pandehurin e gjykon me,me dënim me burgim në kohëzgjatje me kusht prej 1 muaji dhe me dënim me gjobë në shumë prej 200 euro”.
Aktgjukim për vjedhe u nxorr edhe për një rast tjetër të vjedhjes së rrymës në Lipjan.
“Me dt. 27.05.2015, në shtëpinë e tij, në fshatin Z. , Komuna L., me qëllim të përfitimit të shërbimit komunal, ka keqpërdorur energjinë elektrike, në atë mënyrë që, përmes kabllos është furnizuar në mënyrë ilegale me energji elektrike e cila nuk është regjistruar në njehsor elektrik, pa autorizimin e furnizuesit të autorizuar për energji elektrike, me ç’rast KEDS-it, i ka shkaktuar dëm në vlerë prej 301.14- euro”. Edhe ky i pandehur u denua me burg me kushte prej 1 muaj dhe me gjobë 200 euro, ndërsa KEDS që t’ia kopenzoi shumën prej 301.14- eurove.