Lladrovci takoi pronarët e kombibusëve të Drenasit, apelon për respektim të ligjit

Kosova

Lladrovci takoi pronarët e kombibusëve të Drenasit, apelon për respektim të ligjit

Më: 25 prill 2018 Në ora: 17:21
Drenas

Pas një proteste të organizuar sot nga pronarët e kombibusëve të Drenasit, para objektit të komunës, Kryetari Ramiz Lladrovci i ka takuar ata duke u informuar për qëllimin e protestës së tyre.

Kryetari Lladrovci u ka thënë protestuesve se Komuna është vetëm duke zbatuar Ligjin e Komunikacionit i cili e ndalon veprimtarinë transportit publik illegal:

”Deri sa Ligji aktual është në fuqi, ai do të zbatohet në përpikëri në Komunën e Drenasit, sikurse që janë duke u zbatuar të gjitha ligjet, rregulloret dhe udhëzimet në fuqi”.

Ai po ashtu, ka ftuar qytetarët e Komunës së Drenasit të mos e ushtrojnë veprimtarinë e paligjshme në transportin publik por as të mos e shfrytëzojnë transportin e paligjshëm, ngase, ekziston veprimtaria legale e autobusëve për transportin publik.

Lladrovci ka shprehur në veçanti keqardhje për të gjithë ata që nëpërmjet rrugëve të paligjshme të transportit, sigurojnë të ardhura për familjet e veta, të respektojnë ligjin dhe veprimtaritë e ligjshme për punë.

Lladrovci ka shtuar se do të merr masa ndaj Drejtorisë së Inspekcionit nëse vërtetohet selektimi i rasteve të konfiskimit të kombibusëve, siç është thënë nga disa protestues të pranishëm.

commentFirst article
Sot mund të lexoni Shfletoni kopertinat