22 Maji është shpallur nga Kombet e Bashkuara si Dita Ndërkombëtare e Diversitetit Biologjik, ose Dita Botërore e Biodiversitetit, me qëllim rritjen e ndërgjegjes dhe të kuptimit më të thellë të çështjeve lidhur me biodiversitetin.
Për herë të parë kjo ditë është vënë nga Komiteti i dytë i Asamblesë së Përgjithshme të Kombeve të Bashkuara më 29 Dhjetor 1993, që shënon dhe datën e hyrjes në fuqi të Konventës së Diversitetit Biologjik. 22 Maji si Dita Ndërkombëtare e Biodiversitetit ka temë kryesore globale integrimin e biodiversitetit dhe i kushtohet mbështetjes së njerëzve dhe jetesës së komuniteteve.
Me rastin e 22 Majit, Ministria e Mjedisit dhe Planifikimit në bashkë organizim me komunat, OJQ-të “ERA” , “FINQ”, “ KERRC ”dhe shoqërinë civile, shënojnë këtë datë në kampusin e Universitetit “ Haxhi Zeka” në Komunën e Pejës, nga ora 10:00.
