Shi i rrëmbyeshëm në Malishevë, njësitë e zjarrfikësve ndërhynë për largimin e ujit në një shtëpi

Kosova

Shi i rrëmbyeshëm në Malishevë, njësitë e zjarrfikësve ndërhynë për largimin e ujit në një shtëpi

Më: 7 korrik 2018 Në ora: 12:22
Malishevë

Shiu i rrëmbyeshëm që ka kapluar territorin e Komunës së Malishevës, është përcjellë edhe me dëme, pasi uji ka depërtuar edhe në disa shtëpi të banimit. Ekipet e njësisë së zjarrfikësve dhe shpëtimit, kanë intervenuar në fshatin Pllaqicë, për largimin e ujit në një shtëpi banimi.

Sipas drejtorit të Drejtorisë për Mbrojtje dhe Shpëtim, Valon Gashi, ekipet emergjente, me të marrë informacionin ka intervenuar në fshatin Pllaqicë, pasi uji kishte depërtuar së paku në një shtëpi banimi. Sipas tij, njësia e zjarrfikësve dhe shpëtimit në Malishevë, ka larguar ujin nga kjo shtëpi banimi.

Përndryshe, shiu i rënë sot, në disa pjesë të Komunës së Malishevës, është shoqëruar dëme, të cilat do të vlerësohen në ditët në vijim, kurse në Pllaqicë, në shtëpinë ku është intervenuar, janë shkaktuar dëme të konsiderueshme.

Drejtori Gashi, ka bërë të ditur se ekipet emergjente janë në gatishmëri të plotë, për të ndërhyrë nëse paraqitet nevoja, pasi parashihet të vazhdojnë të reshurat.

Image
commentFirst article
Sot mund të lexoni Shfletoni kopertinat