Mijëra euro dëme në Suharekë, banorët rrëfejnë tmerrin e përmbytjeve më të mëdha të pasluftës

Kosova

Mijëra euro dëme në Suharekë, banorët rrëfejnë tmerrin e përmbytjeve më të mëdha të pasluftës

Më: 16 gusht 2018 Në ora: 22:02
Anëtarët e familjes Fetaj nga Reçani i Suharekës madje nuk kanë vëne gjumë në sy.

I gjithë qyteti i Suharekës dhe 70 për qind e fshatrave të kësaj komune janë prekur nga vërshimet si pasojë e reshjeve të rrëmbyeshme që kanë ndodhur natën e ditës së mërkurë.

Këto vërshime kanë shkaktuar mijëra euro dëme materiale në shtëpi dhe biznese.

Anëtarët e familjes Fetaj nga Reçani i Suharekës madje nuk kanë vëne gjumë në sy.

Gjithë natën e kanë kaluar duke larguar ujin që ka hyrë në bodrumin e tyre, për shkak të reshjeve të rrëmbyeshme.

Shaqir Fetaj thotë se niveli i ujit ka shkuar mbi 1 metër e gjysmë. Ndërsa sipas tij dëmet kalojnë shifrën e 16 mijë eurove.

“Dëme të mëdha na ka bërë shiu, deri në 16 mijë euro llogaritet dëmi. Uji ka arritur nivelin deri në 1 metër e gjysmë”, thotë për RTV Dukagjinin, Shaqir Fetaj.

E më mirë nuk janë ndarë as pronarët e bizneseve. Skender Gashi thotë se reshjet ia dëmtuan pajisjet muzikore që kushtojnë rreth 10 mijë euro.

“Rreth 10 mijë euro dëme kam pasur, pasi më janë dëmtuar pajisjet muzikore me të cilat kam punuar. Edhe pajisjet shtëpiake më janë dëmtuar, tash kam marrë pompa me qira për ta larguar ujin”, thotë Skender Gashi, përcjell Telegrafi.

E Bashkim Kryeziu, cili merret me shitje mobilerish, thotë se po ashtu dëmet që i janë shkaktuar kalojnë vlerën e 10 mije eurove.

Te prekur nga vërshimet janë edhe disa pjesë të objektit të komunës. Kryetari i Suharekës Bali Muharremaj gjendjen e cilësoj alarmante.

Reshjet e të mërkurës mbrëma në Suharekë kanë dëmtuar rënd fshatin dhe banorët e Leshanit. Qerim Elshani mes lotësh kujton orët e reshjeve që i morën komplet katin e parë të shtëpisë.

Pothuajse çdo shtëpi e oborr në fshatin Leshan u përball me vërshime.

Dikush me më shumë dëme e dikush me më pak, banorët e fshatit u mobilizuan për t’i dalë në ndihmë njëri tjetrit.

commentFirst article
Sot mund të lexoni Shfletoni kopertinat