Shefi i Grupit Parlamentar të Nismës Socialdemokrate, Bilall Sherifi ka përkujtuar 20-vjetorin e rënies të heronjve të kombit, Fehmi e Xhevë Lladrovcit.
Sherifi në llogarinë e tij në ‘Facebook’, ka shkruar se kur e kërkonte atdheu, ata ishin në kohën e duhur aty ku duhej.
Megjithatë ka thënë në altarin e lirisë ata hynë me shpejtësi të rrufesë, për t’i rikthyer në bronz u deshën dy dekada:
Shënimi i plotë i Sherifit:
Sot bëhen 20 vite nga rënia heroike e Fehmi dhe Xhevë Lladrovcit.
Kur e kërkonte atdheu, ata ishin në kohën e duhur aty ku duhej!
Ne, si shpesh të vonuar kur duhet të mbrohet liria e Kosovës, të cilën e fituam me gjakun dhe mundin e tyre, përsëri u vonuam.
Në altarin e lirisë ata hynë me shpejtësi të rrufesë, për t’i rikthyer në bronz neve na u deshtën 2 dekada!
