Rahoveci rrënon objektet e vjetra që rrezikojnë qytetarët

Kosova

Rahoveci rrënon objektet e vjetra që rrezikojnë qytetarët

Më: 24 shtator 2018 Në ora: 14:22
Rahoveci

Përmes projektit rrënimi i objekteve pa leje si dhe objekteve të vjetra, në përkujdesjen e drejtorisë së Inspeksionit  të komunës së Rahovecit, ka nisur rrënimi i këtyre objekteve të cilët nga zyrtarët komunal, janë vlerësuar si objekte që paraqesin rrezik për qytetarë.

Ecurinë e projektit nga afër e kanë parë sot, kryetari i kësaj komune, Smajl Latifi dhe drejtori i Inspeksionit, Besnik Hoti.

Ky i fundit është shprehur se fillimi i rrënimit të objekteve të vjetra të cilat paraqesin rrezik për qytetarë ka ardhur si rezultat i vlerësimit të bërë nga zyrtarët komunal

Kjo komunë njofton se është rrënuar objekti i vjetër i shkollës“ Mustafë Ibishi”  në fshatin Kramovik, objekti i vjetër i shkollës së mesme dhe ai i stacionit të policisë në fshatin Ratkoc.

Hoti thotë se në ditët në vazhdim do të rrënohen objektet të tjera, që përbëjnë rrezik për jetën e qytetarëve dhe objekteve që paraqesin pengesë për zhvillimin infrastrukturor e urban në këtë komunë.

commentFirst article
Sot mund të lexoni Shfletoni kopertinat