Drejtoria komunale e bujqësisë po realizon një projekt në ndihmë fermerëve që kanë ferma komerciale me lopë qumështore.
Në fshatin Muhoc sot ekipet po implementonin këtë projekt duke e bërë korrigjimin e thundrave të lopëve meqë kështu e kishin vlerësuar të nevojshme fermerët.
Drejtori për Bujqësi dhe Pylltari Burim Bajrami shpjegon se ky projekt ka për qëllim që të nxisë një kulturë më të mirë për kujdesin ndaj shëndetit të kafshëve.
Ndërkaq fermeri Burim Sylejmani falënderoi komunën dhe implementuesit e kwtij projekti duke e konsideruar si të mjaft të nevojshme ndërhyrjen.
Ai tregon se një shumë deri në 300 euro u duhet fermerëve nëse këtë proces e kryejnë në formë private. Mjekët veterinerë shpjegojnë se me korrigjim të thundrave mbrohet mjaft mirë shëndeti i kafshëve dhe shtohet sasia e qumështit dhe e peshës së kafshëve.
Një subvencion tjetër po përgatitet që të realizohet së shpejti për shpërndarjen e 62 mëshqerrave në bashkëpunim edhe me organizata të bujqësisë, për fermerët e këtushëm të cilët i plotësojnë kriteret e parapara.
