Kryetari i Kuvendit të Shqipërisë, Gramoz Ruçi, priti sot zëvendëskryeministrin e Kosovës Enver Hoxhaj me të cilin bisedoi për përshpejtimin e procesit të integrimit evropian të Kosovës dhe procesin e liberalizimit të vizave për shtetasit kosovarë.
Me këtë rast u tha se Kosova ndodhet para fazës përfundimtare të vendimmarrjes për liberalizimin e vizave dhe në këtë fazë është e domosdoshme intensifikimi i kontakteve e bashkëpunimit me qeveritë e vendeve anëtare për kurorëzimin me sukses të këtij procesi.
Kryetari i Kuvendit, Gramoz Ruçi, shprehu mbështetjen e plotë për angazhimin aktiv të Shqipërisë në këtë proces të rëndësishëm për Kosovën dhe shtetasit e saj.
Në takim u bisedua edhe mbi çështjen e korrigjimin e kufijve dhe u shprehën se procesi i negociatave me Serbinë duhet të niset nga dy premisa themelore: unifikimi i qëndrimeve politike dhe institucionale të Kosovës dhe garantimi i mbështetjes së partnerëve ndërkombëtarë.
