Disa pjesë të vendit gjatë ditës së sotme kanë mbetur pa rrymë.
“Bregu i Diellit” nuk ka energji elektrike që thuajse 5 orë, po ashtu pa energji që nga orët e mëngjesit është edhe rruga “Tringë Smajli” e kryeqytetit.
Përveç Prishtinës, rrymë që nga ora 13:00 nuk ka as Podujeva.
Zëdhënësi i KEDS-it, Viktor Buzhala nuk ka qenë i qasshëm për të sqaruar për arsyen e ndërprerjeve me energji.
Në disa vende kohët e fundit ka pasur probleme me energji për shkak të erërave të fuqishme.