Ndërroi jetë në Qendrën Klinike Universitare të Kosovës këmbësori i cili u godit nga një automjet dje në mesditë në rrugën Prishtinë – Ferizaj, në Çagllavicë.
Ai po trajtohej në QKUK për shkak se goditja nga automjeti i kishte shkaktuar lëndime të rënda trupore, të cilave nuk arriti t’u mbijetonte.
GS mëson nga burimet e saja brenda Prokurorisë Themelore në Prishtinë, se motivi i aksidentit dyshohet të ketë qenë vozitja e pakontrolluar që shoferi i automjetit po bënte.
Këto burime kanë bërë të ditur se trupi i pajetë është dërguar në IML për obduksion.
