Një aksident i rëndë trafiku ka ndodhur afro 48 orë më parë në afërsi të Zveçanit, në veri të vendit, në vendin e njohur si “Dudi Kërrsh”.
Në këtë aksident një motoçiklist nga Beogradi që humbi kontrollin e mjetit ra në humnerë disa metra poshtë.
Togeri Branislav Radoviç, zëdhënësi rajonal i Policisë së Kosovës për rajonin në veri, konfirmoi se motoçiklisti I.M. nga Beogradi, i cili ishte në kërkim për më shumë se 48 orë, u gjet sot afër vendit të njohur si “Dudi Kërrsh”.
"Patrulla e Stacionit të Policisë së Kosovës Zveçan erdhi në vendin e ngjarjes për të kryer një hetim në një kohë kur disa njerëz ishin tashmë pranë motoçiklistit të gjetur. IM u transferua në Spitalin e Mitrovicës Veriore në një gjendje të vetëdijshme" tha Radoviç.
Policia e Kosovës po vazhdon me hetimet e mëtejshme ndërsa në vendin e ngjarjes kanë ardhur edhe familjarët e motoçiklistit të aksidentuar.
