Duket si një dritë në fund të tunelit lajmi se një vajzë e re është nxjerrë e gjallë nga humnera ku ra fugoni i linjës Tiranë Sarandë dhe si pasojë ngelën të vdekur 5 persona.
Ajo është dërguar në spital dhe momentalisht i ka shpëtuar rrezikut.
Ndërkohë viktima nga aksidenti mbetën çifti i bashkëshortëve Fiqiri e Drite Korçari, 77 dhe 72 vjeç si dhe shoferi i furgonit taksi, Bardhi Proda. Një viktimë mbetet i paidentifikuar kurse një tjetër mësohet se ndodhet ende brenda në furgon.
Aksidenti tragjik ndodhi pasditen e sotme në Qafë Muzinë të Gjirokastrës ku furgoni devijoi për të evituar përplasjen me një fuoristradë duke përfunduar në greminën 50 metra.
Menjëherë në vendngjarje ka shkuar edhe motra e vajzës së mbijetuar. Mes lotësh ajo dha pak detaje ku dyshohet se e reja ka thyer krahun dhe ishte nisur për pushime për t’ju bashkuar familjes në Sarandë.
