Një ngjarje e rëndë është shënuar në qytetin e Sarandës. Një vajzë e mitur 13-vjeçare është shfrytëzuar për prostitucion nga një 62-vjeçar.
Lidhur me këtë hetim është përfshirë edhe SHÇBA, pasi gjatë aksionit të realizuar të enjten u arrestuan tutori dhe një punonjës policie.
Në pranga kanë rënë kryeinspektori P.R. 63 vjeç, punonjës policie me trup shërbimi në pikën kufitare të Rripsit, dhe tutori 62-vjeçar S.K., që shfrytëzonte vajzën e mitur.
Hetimet për këtë ngjarje të rëndë kanë zgjatur 1 muaj. 63-vjeçari S.K. ka shfrytëzuar për qëllime përfitimi 13-vjeçaren L.H., duke përshtatur një ambient për shfrytëzimin e prostitucionit të së miturës.
Ndërsa punonjësi i policisë u arrestua në kushtet e flagrancës, pasi ka kryer marrëdhënie seksuale me 13-vjeçaren në ambientet e përshtatura.
Gjatë aksionit u sekuestruan 2 makina, 4 celularë, një sasi parash dhe u vendos sekuestro preventive ndaj ambientit ku ushtrohej prostitucioni.
Të arrestuarit akuzohen për ‘Shfrytëzim i prostitucionit’, ‘Marrëdhënie seksuale ose homoseksuale me të mitur’, ‘Prostitucioni’ dhe ‘Mbajtja e lokaleve për prostitucion’.
