Njësiti për Reagim të Shpejtë në Prishtinë, me qëllim parandalimin dhe zbulimin e veprave kriminale, po vazhdon kontrollet rutinë të automjeteve në lokacione të ndryshme.
Zyrtarët e NjRSh-së, gjatë fundjavës në pika kontrolli, kanë gjetë dhe sekuestruar tri armë, si dhe një sasi të narkotikëve të llojit marihuanë.
“Personat e dyshuar janë shoqëruar në stacionet përkatëse dhe ndaj tyre janë kryer procedurat e nevojshme policore”, thuhet në njoftim.
Policia e Kosovës vazhdimisht bënë thirrje për bashkëpunim dhe raportim me qytetarët.
