Konfliktet mes familjes së gruas dhe dhëndrit, janë të shpeshta në vendin tonë. Ato shpesh eskalojnë edhe në fyerje, të shara e sulme fizike. E përpos grushteve, në shumë raste përdoren edhe mjete të forta, të cilat shpeshherë rrezikojnë t’u shkaktojnë lëndime serioze viktimave.
Një zënkë ka ndodhur dje në rrugën ‘Gryka e Llapushnikut’ ku një person është përfshirë në konflikt me vëllain e bashkëshortes.
24-vjeçarja ka denoncuar rastin në Polici, ku ka deklaruar se duke tentuar që t’i ndajë vëllain dhe bashkëshortin, ky i fundit e ka sulmuar fizikisht.
I dyshuari është arrestuar dhe është shoqëruar në stacion policor për intervistim.
Me urdhër të prokurorit, ndaj tij është iniciuar rasti për veprën penale ‘Dhunë në familje’.
