Një ngjarje e rëndë ka ndodhur dje në rrugën ‘Ismail Loshi’ në qytetin e Mitrovicës, ku një person ka humbur jetën tragjikisht pasi ka rënë nga kati i tretë i shtëpisë së tij.
Sinjali mëson se viktima është Bislim Latifi, 52-vjeçar.
Rastin e ka konfirmuar zëdhënësi i Policisë së Kosovës për Rajonin e Mitrovicës, Avni Zahiti, i cili tha se viktima është 52-vjeçar.
“Sot, rreth orës 15:23 është raportuar se në rrugën ” Ismail Loshi” në Mitrovicë, si pasojë e rënies nga lartësia katit të III-të, të shtëpisë së tij ka humbur jetën viktima mashkull/kosovar rreth 52 vjeçar”, tha Zahiti dje.
Nuk dihen ende shkaqet apo rrethanat në të cilat ka ndodhur rasti.
