Dogana e Kosovës ka njoftuar se sot në pikën kufitare në Vërmicë është zbuluar një rast i tentim kontrabandës me duhan.
Ata kanë gjetur 145 kilogram duhan në një automjet me vetura të Republikës së Shqipërisë.
“Gjatë kontrolleve rutinore zyrtarët e Doganës kanë ndaluar dhe për kontroll rutinor një automjet me targa të Republikës së Shqipërise, pas pyetjes së zyrtarit doganor në lidhje me deklarimin e mundshëm, drejtuesi i automjetit është përgjigjur negativisht”, thuhet në njoftim.
Më pas, automjeti është selektuar për një kontroll më të thelluar nën asistimin e Policisë së Kosovës.
“Kontrolli ka zbuluar mall të padeklaruar, respektivisht duhan i papërpunuar me një peshë prej 145.00 Kg, i ndarë në 290 paketa, çdo paketë me peshë 0.50 Kg. Si rezultat, është konstatuar kundërvajtje Doganore për shkelje të nenit 250 të KDAK-ës”, vijon në njoftim.
Mallrat janë konfiskuar derisa procedura kundërvajtëse ka filluar për personin përgjegjës.
