Dy persona kanë mbetur të lënduar si pasojë e një aksidenti trafiku, i cili ka ndodhur këtë të premte në fshatin Lluzhan të Podujevës.
Aksidenti ka ndodhur rreth orës 18:00, ka konfirmuar zëdhënësja e Policisë së Kosovës për rajonin e Prishtinës, Florie Ahmeti.
“Rreth orës 18:00 kemi pranuar informatën se në fshatin Lluzhan, ka ndodhur një aksident trafiku me lëndime. Si pasojë e aksidentit lëndime trupore kanë pësuar dy persona”, ka thënë ajo.
Ahmeti më tej ka bërë të ditur se me rastin po merret njësiti i trafikut.
