Media në vazhdimësi ka raportuar për arrestimin e personave të dënuar nga Gjykatat në vend për vepra të ndryshme penale, por që të cilët arrijnë të ikin nga duart e drejtësisë.
Kështu ka vepruar tash e një kohë një person në Fushë Kosovë.
Burimet bëjnë me dije se bëhet fjalë për Ali Mjekiqin, 26-vjeçar, i cili ishte dënuar me 1 vit burgim nga Gjykata Themelore në Prishtinë për veprën penale ‘Grabitje’.
Mjekiqi është arrestuar dje në rrugën ‘Elez Berisha’ dhe i njëjti më pas është dërguar në vuajtje të dënimit.