Gazeta gjatë ditës së djeshme raportoi për një rast të dhunës në familje, ku një person dyshohet se ka sulmuar fizikisht dy motrat e tij, e më pas vetë është arratisur për në drejtim të panjohur.
Burimet bëjnë me dije se pas veprimeve të ndërmarra nga Policia, është arritur që të lokaliziohet vendndodhja e të dyshuarit dhe i njëjti është arrestuar.
28-vjeçari është shoqëruar në stacion policor, ku është intervistuar nga organet e hetuesisë lidhur me rastin.
Me urdhër të prokurorit, i dyshuari është dërguar në mbajtje nën dyshimet për kryerjen e veprës penale ‘Dhunë në familje’.
Kujtojmë se burimet e Sinjalit kanë zbardhur detaje nga dëshmia e vajzave, njëra prej tyre e mitur, të cilat kanë bërë me dije se vëllai i tyre i madh, për shkaqe xhelozie i ka sulmuar fizikisht.
Viktimat kanë marrë lëndime trupore si pasojë e dhunës fizike me të cilën u përballën dhe të njëjtat kanë pranuar edhe tretman mjekësor.
