Mosmarrëveshjet mes qytetarëve shpeshherë përcillen me ofendime e kërcënime ndaj njëri-tjetrit. Madje nuk janë të rralla rastet kur ato shpërthejnë në dhunë, duke u përleshur fizikisht mes vete.
Një konflikt fizik ka ndodhur mëngjesin e djeshëm në Gjakovë, ku një person dyshohet se ka sulmuar fizikisht një tjetër.
Burimet brenda Prokurorisë kanë bërë me dije se 42-vjeçari e ka sulmuar viktimën pas një mosmarrëveshje që kishte me viktimën, duke e akuzuar se i kishte bërë një fotografi.
Si pasojë e dhunës, 45-vjeçari ka marrë lëndime trupore dhe ka kërkuar ndihmë mjekësore në spital, ndërkohë që i dyshuari është shoqëruar në stacion policor për intervistim.
Me urdhër të prokurorit, i dyshuari është dërguar në mbajtje nën dyshimet për kryerjen e veprës penale ‘Lëndim i lehtë trupor’.
