Policia e Kosovës ka njoftuar se dje gjatë ditës ka arrestuar dy të mitur në rrugën “Bajram Kelmendi” në Prishtinë.
Sipas PK-së, gjatë kontrollimit tek njeri nga të dyshuarit është gjetur një armë, dhe ky i fundit ka deklaruar se e kishe marrë nga një tjetër i dyshuar me qëllim që të bëjë disa fotografi me të.
“Rr. Bajram Kelmendi, Prishtinë 05.04.2024 – 12:10. Janë arrestuar dy të dyshuar të mitur meshkuj kosovarë, pasi që gjatë kontrollit në çantën e njërit prej tyre i është gjetur dhe sekuestruar një armë-pistoletë me gaz. Gjatë intervistimit i dyshuari ka deklaruar se arma nuk ishte e tij, por e kishte marrë nga i dyshuari tjetër me qëllim që të bëjë disa fotografi me të.
Pas intervistimit, me urdhër të prokurorit kujdestar të dyshuarit janë liruar në procedurë të rregullt.” – thuhet në njoftimin e PK-së.
