Dy persona kanë mbetur të plagosur pas shkëmbimit me armë zjarri. Ngjarja ka ndodhur ditën e sotme rreth orës 14:30, tek Lapidari në Shëngjin.
Sipas policisë, Gertian Malshi , 38 vjeç banues në Pllanë, ka plagosur me armë gjahu me leje Mimoza Aliajn , 49 vjeçe, banuese në Shëngjin.
Në konflikt e sipër, ka ndërhyrë bashkëshorti i kësaj të fundit, Gëzim Aliaj , 52 vjeç duke plagosur me armë gjahu Gertian Malshin.
Falë ndërhyrjes së shpejtë të policisë është bërë e mundur parandalimi i përshkallëzimit të situatës deri në vrasje.
Policia ka kapur në flagrancë dhe ka arrestuar Gëzim Aliajn.
Të njëjtat burime bëjnë me dije se konflikti i çastit ka ndodhur për motive të dobëta. Dy të plagosurit janë dërguar në spital ku po marrin ndihmën mjekësore.