Policia Kufitare Rinas kap shtetasin Turk që u largua nga tranziti Rinas më datën 08.08.2016.
Kapja e shtetasit Turk u bë nga Policia Kufitare Rinas pranë zonës së Muzeut Kombëtar Tiranë.
Në bazë të punës operative të Komisariatit të Policisë Rinas, më datë 13.08.2016, rreth orës 12:30 u bë kapja e shtetasit Turk I.E 28, vjeç.
Shtetasi I.E. më 08.08.2016, rreth 15:00 u largua nga Zona e Tranzitit Rinas gjatë kohës kur po i plotësoheshin dokumentat e prapësimit pasi i ishte refuzuar hyrja ne territorin e R.Shqipërisë, sepse nuk plotesonte kushtet e udhetimit dhe të hyrjes në mënyrë të rregullt në Republikën e Shqiperisë.
Nga verifikimet e kryera dhe kqyrja e pamjeve filmike, rezulton se ky shtetas ka përfituar nga fluksi i pasagjereve në dalje dhe rreth ores 15.00 ka realizuar hyrjen në mënyrë të paligjshme nê territorin e Shqipërisë.
Po punohet për zbardhjen e rrethanave dhe arsyet e largimit nga Aeroporti Rinas në ditën e ngjarjes së këtij shtetasi, pasi ky shtetas nuk kishte probleme me Drejtësinë dhe për këtë po punohet mbi zbardhjen e shkaqeve që e shtynë këtë shtetas për tu larguar në këtë mënyrë.
