Dy femra janë konfliktuar në aeroportin e Rinasit dhe sherri ka degjeneruar në dhunë. Ngjarja ndodhi pasditen e së shtunës në aeroportin ndërkombëtar “Nënë Tereza” në Tiranë.
Policia bën të ditur se ka nisur procedimin penal ndaj një shtetaseje franceze, 19 vjeçe, e cila ka dhunuar fizikisht në ambientet e terminalit një shtetase shqiptare, 20 vjeçe.
Njoftimi i policisë
Më datë 03.09.2016, u referuan materialet në Prokurorinë e Rrethit Gjyqësor Tiranë, për shtetasen franceze H.D., vjeç 19, banuese në Francë, pasi dyshohet se në PKK Rinas, në ambientet e terminalit të aeroportit është konfliktuar fizikisht me shtetasen shqiptare K.D., vjeç 20, banuese në Tiranë, e cila ka bërë kallëzim pranë Komisariatit të Policisë Rinas.