Një aksident me fatalitet ka ndodhur para pak çastesh në magjistralen Shtime-Prishtinë, konkretisht në fshatin Grack, ku si pasojë një person ka humbur jetën dhe tre të tjerë janë lënduar.
Viktima që ka humbur jetën është një djalë i moshës së re. Ai është dërguar në Qendrën Emergjente pa shenja jete. Bashkë me të është dërguar edhe babi i tij, i cili ka pësuar lëndime trupore.
Zëdhënësi i Policisë së Kosovës, Daut Hoxha, e ka konfirmuar aksidentin, por jo edhe pasojat në njerëz.
“Mund të ju konfirmoj se: Në rrugën Lipjan - Shtime, konkretisht në Fsh, Grack e Re është shkaktuar një aksident i rëndë komunikacioni rrugor me pasoja Fatale. Të përfshira në këtë aksident janë tri (3) automjete. Njësitet relevante të policisë kanë dalë ne vendin e aksidentit dhe po hetojnë rrethanat dhe shkaqet që kanë quar deri te ky aksident i rëndë. Për pasojat në njerëz dhe shkallën e lëndimeve të tyre ju lutem adresoheni në QKUK”, tha ai.
