Gjykata e Tiranës ka caktuar masën e sigurisë për dy autorët e vrasjes së dyfishtë të ndodhur në Tetor të vitit të kaluar në zonën e “Lulishte 1 Maji”, ku mbetën të vdekur Kevin Rugova dhe Aurora Oskian. Ndërsa objektivi i atentatit Ervis Gaçaj mbeti i plagosur.
Kjo gjykatë ka vendosur burgim të përjetshëm për Sael Sulaj, i cili ishte dhe iniciatori, ndërsa 30 vite për Vasiel Çavo.
Sipas pretendimit të gjykatës Sulaj ka përdorur automatik dhe ka qëlluar 30 herë me të, ndërsa Çavo ka qëlluar 6 herë me pistoletë dhe asnjë nga plumbat e qitura nga ky i fundit nuk kanë prekur viktimat, Fakt ky i vërtetuar shkencërisht.
Gjithashtu u vërtetua se Çavo kishte qëlluar pasi Sulaj i kishte përfunduar të shtënat, ku si rrjedhojë kishte lënë të vdekur dy viktimat.