(E plotësuar) - Moti i keq që ka goditur vendin në orët e fundit është bërë shkak për vdekjen e tre personave.
Rasti i parë është shënuar në vendin e quajtur Plan i Bardhë në Bashkinë e Klosit, ku 42-vjeçari i identifikuar si Xhevahir Ndoi është rrëmbyer nga uji së bashku me makinën e tij.
Rasti i dytë është shënuar në fshatin Sukë të Këlcyrës, ku një 50-vjeçar ka humbur jetën pasi është rrëzuar nga çatia e shtëpisë si pasojë e erës së fortë.
Mësohet se viktima e dytë nga moti i keq është Kastriot Spahiu, 50 vjeç, i cili kishte hipur në çati për të bërë disa riparime.
Po rreth orës 13:30, efektivët e komisariatit Nr 5 në Kamëz kanë njoftuar se kanë gjetur trupin e një personi të pajetë buzë lumit të Tiranës.
Viktima, ende i paidentifikuar dyshohet se është rrëmbyer nga vërshimi i ujit pas reshjeve të dendura. Bëhet e ditur se viktima është i gjinisë mashkull, rreth 50 vjeç.
Viktima e tretë nga moti i keq, një trup i pajetë në Babrru
Fatkeqësisht një tjetër person dyshohet se ka humbur jetën si shkak i reshjeve të shumta dhe përmbytjeve.
Siç mësohet nga burime policore, një trup i pajetë është nxjerrë nga uji në zonën e Babrrusë në Tiranë.
Dyshimet janë që ai të jetë marrë nga rrjedha e ujit, duke humbur jetën.
Ende nuk ka informacione për identitetin e tij.
Tjetër viktimë nga përmbytjet, Lumi i Tiranës nxjerr trupin e pajetë
Lumi i Tiranes ka nxjerre nje kufome te seksit mashkull rreth 40-50 vjeç.
Sherbimet e policise jane ne vendin e ngjarjes po priten polumbaret per nxjerrjen e kufomës.
