Një veturë ka dalë nga rruga dhe ka rënë në liqenin e Badovcit, ka bërë të ditur policia.
Sipas PK-së, ngjarja ka ndodhur sot në ora 12:20, në rrugën magjistrale Prishtinë – Gjilan ka ndodhur një vet aksident trafiku, me ç’ rast vetura e tipit Opel Astra, ngjyrë e kuqe me targa të Republikës së Kosovës, për arsye që tani për tani janë duke u hetuar nga policia, ka dalë nga rruga dhe ka rënë në liqenin e Badocvit.
Vozitësi i veturës I. Abazi, mashkull, 26 vjeç, shtetas Kosovar, ka arritur të dal nga automjeti dhe i njëjti është dërguar për tretman mjekësor në QKUK.
Në vendin e ngjarjes kanë dalë të gjitha njësitë e nevojshme policore të cilat po punojnë me qëllim të hetimit dhe ndriçimit të të gjitha rrethanave që kanë sjellë deri te ky aksident trafiku.