Policia ka zbuluar dhe sekuestruar sot një sasi prej 17 kg kanabis në Pikën Kufitare të Hani Hotit, e cila ishte e fshehur në një automjet, ndërsa është vënë në pranga një 29-vjeçar gjerman.
Sipas policisë, në pranga ka rënë gjermani Pawel Keksel.
AI u ndalua pasi gjatë kontrollit të ushtruar në vijën e dytë në mjetin tip “Volvo” me targë HAIC130, me drejtues dhe pronar shtetasin gjerman, Shërbimet e Policisë kanë dyshuar se në brendësi të mjetit mund të kishte lëndë narkotike.
Menjëherë Shërbimet e Policisë kanë ushtruar kontroll të imtësishëm ku në pjesë të ndryshme të automjetit u gjetën 31 pako me peshë 17 kg lëndë narkotike kanabis sativa, e cila u sekuestrua në cilësinë e provës materiale. Materialet proceduriale iu referuan Prokurorisë së Krimeve të Rënda Tiranë për veprime të mëtejshme për veprën penale “Trafikimi i lëndëve narkotikëve”.
