Një burrë është masakruar në mes të Shkodrës dhe më pas është grabitur. Ngjarja ka ndodhur mbrëmjen e djeshme dhe në pranga janë vendosur 3 të rinj.
Burime nga Policia e Shkodrës thanë se kanë arrestuar, Kristjan Volaj, 26 vjeç, banues në Malësi të Madhe, Vuksan Kulla, 29 vjeç, banues në Shkodër dhe Edison Malgjoni, 27 vjeç, banues në Pukë.
Këta tre persona janë arrestuar sepse dje në lagjen “Naim Gjylbegu”, Shkodër, përballë stadiumit “Loro Boriçi”, dyshohet se kanë dhunuar fizikisht, 50-vjeçarin me inicialet P. Q., banues në Malësi të Madhe, dhe i kanë marrë me dhunë telefonin celular të markës “Samsung S4”.
