Policia ka arrestuar tre të rrinj si të dyshuarit kryesorë për sherrin me thika në qytetin e Gramshit.
Ata akuzohen se kanë plagosur me armë të ftohta një 27 vjeçar i cili gjendet në spital jashtë rrezikut për jetën.
Specialistët për Krimet, në Komisariatin e Policisë Gramsh bënë arrestimin në flagrancë të shtetasve: Aleks.Zh., 23 vjeç, Eros.S., 19 vjeç, Fabiol.L., 19 vjeç , të tre banues në Gramsh.
Arrestimi i tyre, u bë pasi më datë 29.07.2017, në vendin e quajtur “Kthesa e arkës së kursimit” Gramsh, në bashkëpunim me njëri tjetrin dyshohen të kenë goditur me mjet të mprehtë shtetasin R.Y., 27 vjeç banues në Gramsh, i cili është dëmtuar në pjesën e barkut dhe ndodhet në spital, jashtë rrezikut për jetën.
