Një aksident ku u përfshinë katër vetura ndodhi në orët e vona të mbrëmjes, në qytetin e Vlorës, por fatmirësisht nuk pati viktima.
Ngjarja ndodhi në rrugën Transballkanike, ku një veturë Volkswagen goditi një fuoristradë, e cila për inerci përplasi edhe dy mjete të tjera, që ishin në lëvizje në atë moment.
Burimet nga vendngjarja thanë se u lëndua vetëm një vajzë, e cila ishte pasagjere në një nga makinat e përfshira në aksident. Ajo u dërgua në spital dhe është jashtë rrezikut për jetën, ndërsa policia po punon për zbardhjen e shkaqeve.
