Të shtëna me armë janë shënuar këtë mbrëmje në Tiranë në rrugën “Bardhyl”.
Policia ka gjetur në vendngjarje 5 gëzhoja si dhe ka shoqëruar shtatë persona për të dhënë sqarime në komisariat. Nga të shtënat fatmirësisht nuk ka persona të lënduar.
Njoftimi zyrtar
Më datë 26.09.2017, rreth orës 22:25, në Numrin e Emergjencave 112 ka ardhur një telefonatë për të shtëna me armë zjarri në rrugën “Bardhyl”.
Në vendngjarje kanë mbërritur shërbimet e policisë, ku nga verifikimi paraprak ka rezultuar se :
Në rrugën "Bardhyl", ka patur të shtëna me armë zjarri në ajër.
Në vendin e ngjarjes janë gjetur 5 gëzhoja dhe deri tani nuk ka persona të lënduar.
Janë shoqëruar 7 persona në ambientet e policisë për verifikim dhe sqarime të mëtejshme.
Po vazhdon kontrolli i territorit dhe po punohet nga ana e grupit hetimor për sqarimin e plotë të rrethanave të ngjarjes.
