Një aksident me fatalitet ka ndodhur sot në fshatin Tërrnavc të Skënderajt.
Sipas Policisë nga ky aksident ka mbetur e vdekur një vajzë 15 vjeçare ndërsa një tjetër ka marrë lëndime të lehta.
“Sot rreth orës 10:45 në fshatin Tërrnavc një veturë më targa civile ka goditur këmbësoren, e gjinisë femërore, e moshës 15 vjeçare. E njëjta ka ndërruar jetë”, tha Fixhirije Pllana nga Policia e Mitrovicës.
Sipas saj deri më tani nuk ka detaje për të dyshuarin apo se si ka ardhur deri te ky aksident pasi që sipas saj policia është duke hetuar rastin.
