Gjatë ditës së sotme është përfshirë nga flakët makina e shefit të policisë rrugore në Gjirokastër, Arten Hoxha.
Ngjarja ka ndodhur në lagjen “Zinxhira” në oborrin e banesës së 47-vjeçarit.
"Mjeti me targa AA 591 NC ndodhej i parkuar dhe si pasojë e flakëve është djegur plotësisht motori i mjetit", sqaron policia.
Paraprakisht dyshohet se shkaku është si pasojë e një shkëndije elektrike në bateri.
Në vendngjarje ndodhet grupi hetimor ku po punon për zbardhjen e plotë të kësaj ngjarjeje.